الموضوع مومناسب للمنتدى بس حابة افضفض توني جاية من العمل ومقهوره من مديرتي في المدرسة ( طبعا اهلية ) ماعاد ادري احنا معلملت والا عمال اي شئ في المدرسة يحتاج شغل تكلفنا فية والله اليوم اني ماجلست من يوم دخلت المدرسة من حصة لشغلة وانا حالتي الصحية ماتتحمل حامل في بداية حملي وماخلت شئ بالمدرسة ماقالت سوية حتى تطلعني من الحصة عشان اشتغل عشان الحفل الختامي طبعا المدرسة خرابة وقديمة الباب اللي شكلة غلط تقول غطية واللوحات اللي طايحة تقول ثبتيها والمسرح زيينية هذا غير اني مسؤلة عن المعرض ومشرفة على الحفل وكمان مشاركة بفقرة اناشيد غير تجهيزات الحفل من بطاقات ونشرات وهدايا هذي كلها مسؤليتي مع مشاركة بعض المعلمات اللي تكون فاضية طبعا كل شئ من حسابنا الخاص مايوفرون اي شئ وحتى اذا فية شئ متوفر مايطلعونة وطبعا هذا بس خلال هذي الاسابيع يمكن صار لنا شهر في التجهيزات
والادهى والامر من هذا كله انها تحب تتنصت على المعلمات في الحصص وعمرها ماتقول شكرا اوحلو دائما وجهها معصب ومو عاجبها شئ وشايفة نفسها ماادري على ايش الله لا يوفقها دنيا واخره دايم ادعي عليها وعمري في حياتي ماقابلت اسواء منها ومااظن بقابل اسواء
بقولكم على موقف صراحة لين الحين متعجبة منه طلبت المديره ان يصير يوم من الايام مفتوح وياكثر ماتسوي ايام مفتوحة طبعا طلبت من كل معلمة مشاركة يعني بيعة يستفيدون منها ولما كانوا المعلمات في الحصص طلبت من الاداريات يرتبون المبيعات امر عادي لين الحين بس اللي مو عادي جلست المديرة والمحاسبة يبيعون لطلاب رياض الاطفال تدرون ليش عشان ماتاخذ المعلمة راس مالها ( العادة نجيب بيعة وناخذ راس المال ونعطيهم الربح ) وطلبت من المعلمات اللي يزيد شئ من بضاعتها تعطية المدرسة وكانه حلالهم واحنا سارقينة والله دنيئة ماتخيلت اني بشوف انسانه بهذي الدناءه في حياتي بالذات سعودية مع احترامي للجميع
طبعا عندي كلام كثييييييييييييييييييير ان شاء الله رح اقولة لكم لما اخذ خبرتي وافتك من وجهها
ترقبوا اسم المدرسة وموقعها واسم المديره .........................؟؟؟؟؟؟؟؟؟؟؟